Алімпіяды
Рэспубліканская алімпіяда
Гарадская інтэрнэт-алімпіяда
Новае ў падрыхтоўцы да алімпіяд
З 14.06.2021 па 25.06.2021 працаваў профільны атрад «Валошкі» гарадскога школьнага лагера з дзённым знаходжаннем для адораных і высокаматываваных вучняў па вучэбных прадметах «Беларуская мова» і «Беларуская літаратура» на базе дзяржаўнай установы адукацыі«Гімназія №28 г. Минска» Яго наведвалі вучні 7 – 9 класаў. Заняткі праводзілі Гедзімін Л.А., дацэнт кафедры гісторыі беларускай літаратуры БДУ, кандыдат філалагічных навук, Зяневіч А.М., Сцяшко Л.У., Курыловіч М.Ю., Штанюк Н.А., настаўнікі беларускай мовы і беларускай літаратуры, Душэўская В.Л., метадыст МГІРА.
Штанюк Н.А. праводзіла заняткі ў этнаграфічным музеі гімназіі №28. Вучні з задавальненнем працавалі з мабільным дадаткам "Сцежкамі марфалогіі", распрацоўшчыкам якой з’яўляецца Курыловіч М.Ю. Вялікую цікавасць выклікала таксама і літаратурная настольная гульня "Францыск Скарына". Сцяшко Любоў Уладзіміраўна праводзіла заняткі па падрыхтоўцы да напісання водгуку на літаратурны твор.
22 чэрвеня 2021 года Зяневіч Алеся Мікалаеўна, дырэктар гімназіі №28 г.Мінска, правяла тэматычныя заняткі, прысвечаныя 80-годдзю пачатку Вялікай Айчыннай вайны. У музеі гімназіі "Традыцыям верныя" вучні пазнаёміліся з экспазіцыяй, прысвечанай ваеннаму жыццю, чыталі вершы беларускіх паэтаў, даведаліся пра лёсы пісьменнікаў у гады вайны. Напрыканцы падрыхтавалі лістоўкі для сваіх сяброў, у якіх расказалі, як бачаць вайну і чаму трэба берагчы мір. У 12.00 вучні профільнага атрада далучыліся да Усебеларускай хвіліны маўчання.
На занятках вучні таксама пазнаёміліся з матэрыяламі прадметнай алімпіяды мінулых гадоў, выконвалі заданні па беларускай мове і беларускай літаратуры. Творчыя здольнасці, уменне працаваць у камандзе праявілі вучні ў стварэнні праекта - насценгазеты «Валошкі» - 2021. Я, ты, мы... »